Vörulínur

Kríu-línan frá 66°Norður er gerð úr Polartec Neoshell og flísefni sem féll til við framleiðsluna á síðasta ári. Hún sameinar sígilda hönnun 66°Norður frá tíunda áratugnum og sjálfbærnistefnu fyrirtækisins sem felur í sér að fleygja aldrei vörum eða efni og fullnýta eins mikið og hægt er.

Sölvhóll vörulínan samanstendur af hágæðavörum, sem allar eru handgerðar á Íslandi og fást í takmörkuðu upplagi. Vörurnar voru hannaðar með sjálfbærni og endurnýtingu í forgrunni þar sem mikil áhersla var lögð á að fullnýta allt hráefni.

Við höfum gefið hefðbundnum hettupeysum og fleiri flíkum nýtt líf. Með þessu viljum við undirstrika að það þarf ekki alltaf að kaupa allt nýtt og það má almennt hugsa betur út í hvernig hægt er að breyta og endurnýta hluti, en gera þá samt spennandi.

66°Norður og danska fatamerkið GANNI leiddu hesta sína saman í samstarfslínu fyrir veturinn 2019. Samstarfslínan sameinar gildi og arfleifð beggja merkja í flíkum sem hannaðar eru til dagsdaglegrar notkunar jafnt sem útivistar.

Samstarf 66°Norður og Kormáks & Skjaldar er tileinkað íslenskum hestamönnum. Í áratugi hafa íslenskir hestamenn notað fatnað okkar allan ársins hring og því erum við stolt að kynna jakka sem sameinar ólíka heima 66°Norður og Kormáks & Skjaldar.

Þriðja samstarf 66°Norður við danska merkið Soulland, undir formerkinu „Soulland meets 66°North“, beinir áherslu sinni að bjartari heildarmynd, sem dregur innblástur sinn af mildari veðurskilyrðum syðri Skandinavíu.

Dyngjulínan er innblásin af flíkum sem við framleiddum um síðustu aldarmót og samanstendur af hágæða dúnflíkum sem eru einstaklega hlýjar, léttar og eru fylltar með 800-fill dún.

Jökla Parka er ein af okkar vönduðustu og slitsterkustu úlpum. Hönnuð fyrir kulda og krefjandi aðstæður.

Lögun úlpunnar og hönnun dúnskilrúmanna búa til hjúp af lofti sem fangar og magnar upp hita sem verður til við hreyfingu í köldum aðstæðum.