![](https://images.prismic.io/sixty-six-north-dev/97f9dda6-cb3f-497d-8023-f25a107c927a_66%20Design%20Room9966.jpeg?auto=compress%2Cformat&rect=0%2C702%2C7000%2C3500&w=4000&h=2000&ar=21%3A9&fit=crop&cs=tinysrgb&ixlib=react-9.8.0)
Þjónusta
Á saumastofunni okkar í Garðabænum lagfærum við allar 66°Norður flíkur, sama hvort þær voru hluti af vörulínu síðasta árs, eða síðustu aldar. Við höfum lagt mikla áherslu á þessa þjónustu alla tíð og rekið saumaverkstæði allt frá stofnun fyrirtækisins árið 1926. Við eigum alls kyns gömul efni, tölur og rennilása á lager svo flíkin þín verði eins og ný að lokinni viðgerð.
Við tökum einnig við úr sér gengnum 66°Norður flíkum og sjáum til þess að þær séu endurunnar á réttan hátt. Ef möguleikinn er fyrir hendi, þá höldum við í þeim lífinu og gefum þær áfram til góðgerðarsamtaka líkt og Rauða krossins.
![](https://images.prismic.io/sixty-six-north-dev/9c60a5ab-f1e5-4934-8c43-95968b04667b_DSC01752-Edit.jpg?auto=compress%2Cformat&rect=348%2C0%2C6223%2C4667&w=4000&h=3000&ar=4%3A3&fit=crop&cs=tinysrgb&ixlib=react-9.8.0)
Með því að fylgja leiðbeiningum um þvott og meðferð flíkanna þinna munu þær halda eiginleikum sínum og koma til með að endast í áraraðir.
![](https://images.prismic.io/sixty-six-north-dev/169b7fd7-281a-414b-9cfb-0b00d5053c14_circular%20services%20dyngja.jpeg?auto=compress%2Cformat&ar=4%3A3&fit=crop&cs=tinysrgb&ixlib=react-9.8.0)
Á saumastofunni okkar gerum við við allan notaðan 66°Norður fatnað. Við mikla notkun á fatnaði fylgir eðlilegt slit, þess vegna reynum við að eiga birgðir af umfram efni, hnöppum og rennilásum, sem við nýtum svo til að lengja lífið á flíkunum frá okkur. Starfsmenn saumastofunnar, sem státa af áratuga reynslu, leggja sig fram við að láta flíkina þína líta jafn vel út og daginn sem hún var keypt.
![](https://images.prismic.io/sixty-six-north-dev/3e7650af-7903-445a-8f38-ed91499b0758_circular%20repairs%20dyngja%202.jpg?auto=compress%2Cformat&ar=16%3A9&fit=crop&cs=tinysrgb&ixlib=react-9.8.0)
66°Norður tryggir að hægt sé að skila hvaða vöru sem er, hvenær sem er og tryggja þannig endurvinnslu eða endurnotkun – hvort sem við sjáum um það sjálf eða með hjálp samstarfsaðila eins og Rauða krossins.
Nytjamarkaður
Yfir 8% af íslensku þjóðinni nýta sér kaup á notuðum, frá fyrstu hendi eða margnotuðum, 66°Norður klæðnaði. Hægt er að kaupa notaðar 66°Norður vörur hérna.
„Ódrepandi“
Þú getur komið með gömlu 66°Norður flíkina í hvaða verslun sem er og fengið afslátt í staðinn.
Snemma árs 2016 ýttum við úr vör verkefninu „Ódrepandi“ og báðum viðskiptavini okkar að koma með gamlan 66°Norður fatnað - eða annars konar 66°Norður vörur í góðu ásigkomulagi sem þeir væru hættir að nota og fá í staðinn afslátt af nýjum vörum. Við lögðum mat á ástand vörunnar, gerðum við hana ef þurfti og gáfum hana Rauða krossi Íslands. Þegar við hófum þetta verkefni, þá áttuðum við okkur fljótt á því að endurvinnsla á vörum okkar var eitthvað sem við vildum og þyrftum að gera að vinnureglu fyrirtækisins.