Karfa
66ºNorth Home
66ºNorth Home

Vinnustaðurinn

Hringrás

Saman erum við 66°Norður

Mynd af starfsfólki 66°Norður árið 2015

Starfsfólk 66°Norður í vinnuferð á Laugarvatni 2017

Við vitum að gott starfsfólk er stærsti auður hvers fyrirtækis. Við leggjum okkur fram um að skapa starfsfólki okkar gott og heilsusamlegt vinnuumhverfi sem það getur verið stolt af. Við viljum veita hæfileikaríku fólki á öllum aldri tækifæri til að njóta sín og vaxa í starfi.

Það er 66°Norður mikilvægt að starfsfólkið taki þátt í að móta framtíð fyrirtækisins hverju sinni. Árlega er haldinn stór fundur þar sem starfsmenn koma saman og skiptast á hugmyndum um hvernig má bæta 66°Norður bæði sem vinnustað og fyrirtæki. Vinnan á þessum fundum hefur verið þróuð áfram með ýmsum hætti, til dæmis í áætlun 66°Norður um að nota eingöngu endurnýjanlega orku í verslunum og skrifstofum.

Árlega framkvæmum við mælingu á starfsánægju starfsmanna í samvinnu við VR með það að markmiði að auka vellíðan þeirra í starfi. Í ágúst 2018 innleiddum við mánaðarlegar kannanir sem gera okkur kleift að bregðast enn hraðar við. 66°Norður býður starfsfólki upp á árlega heilsufarsmælingu. Við erum stolt af því að vera eitt af fyrirmyndarfyrirtækjum ársins 2020 skv könnun VR.

Niðurstöður - September 2020

4,53 (Skalinn 1-5)
4,53
Gæði og tengsl
4,63
Starfsánægja
4,62
Sjálfstæði til ákvarðanatöku
4,50
Stuðningur frá stjórnendum
4,42
Kröfur um árangur
4,65
Skýr framtíðarsýn
4,54
Áhugi, virðing og hollusta
4,33
Þjálfun og þróun
Mannauðsmælir

Mannauðsmælirinn er eins konar púlsmælir sem mælir heilbrigði fyrirtækisins í rauntíma í hverjum mánuði.​

Við gerum mánaðarlega starfsánægjukönnun með mannauðsmælingum bæði á Íslandi og í Danmörku.​

Við mælum og hlustum á það sem starfsfólki liggur á hjarta. ​

Þetta gerum við til þess að bæta vinnuumhverfi og -þátttöku. Í hverjum mánuði skoðum við svo niðurstöðurnar með starfsfólki og yfirmönnum og fögnum því sem vel var gert og bregðumst við því sem betur má fara.​


Við leggjum rækt við mannauðinn

Jafnréttis- og jafnlaunastefna

Sjóklæðagerðin skuldbindur sig til að tryggja að jöfn laun séu greidd fyrir jafn verðmæt störf óháð kyni. Stefnan er unnin í samræmi við lög nr. 10/​2008 og annarra laga er snúa að jafnrétti. Stefnan nær til allra starfsmanna Sjóklæðagerðarinnar. Stefna Sjóklæðagerðarinnar er að vera vinnustaður þar sem hver einstaklingur er metinn að verðleikum og að allir hafi jöfn tækifæri óháð kyni. Það er á ábyrgð stjórnenda að framfylgja stefnunni og tryggja að jafnréttis sé gætt við launaákvarðanir ásamt því að bregðast við óútskýrðum launamun og öðru sem tengist jafnlaunakerfi sé þess þörf.

Árlega rýna stjórnendur stefnuna ásamt jafnréttisáætlun og vinna að stöðugum umbótum á hvoru tveggja.

Lista yfir aðila sem hlotið hafa jafnlaunavottun má finna hér.

Akademía 66°Norður

66°Norður leggur mikið upp úr því að skapa vettvang fyrir starfsfólk sem stuðlar að hreyfingu og jákvæðri líðan. Í því felst að bjóða upp á líkamsræktartíma í hádeginu, skipulagðar áskoranir eins og að ganga á fjöll eða fara að hlaupa, í jógatíma, hugleiða, sjálfsstyrkingarfyrirlestur svo eitthvað sé nefnt.

Verslanir okkar

Í verslunum okkar færðu tilfinningu fyrir flíkunum og ráðgjöf sérfræðinga hvort sem þú ert að koma í fyrsta skipti eða ert viðskiptavinur til margra ára. Þú getur einnig endurunnið flíkur sem þú notar ekki lengur, farið með föt í viðgerð eða sótt pantanir sem þú gerðir á netinu.

Lesa

Okkar eigin verksmiðjur

Við rekum okkar eigin verksmiðjur í Saldus, Aizpute og Kuldiga í Lettlandi þar sem við erum með um 200 starfsmenn sem framleiða 59% af vörulínunni okkar og 48% af framleiðsluvirðinu. Með því að starfrækja okkar eigin verksmiðjur höfum við það forskot að þekkja hvert skref framleiðslunnar; úr hverju varan er, hvernig varan er meðhöndluð auk þess sem það eykur rekjanleika og heildarsýn. Verksmiðjur okkar eru reknar skv. reglugerðum Evrópusambandsins um vinnuréttindi og heilsu og öryggi á vinnustað. Allt starfsfólk okkar í Lettlandi er með atvinnutryggingu.

Þetta er það sem við framleiðum: Saumþéttar flíkur (t.d. skeljakka), flísfatnað, regnfatnað/sjófatnað, vinnufatnað, buxur, hanska, vettlinga og aðrar smávörur.

Samstarfsaðilar til langs tíma.

Við höfum byggt upp traust og náin viðskiptasambönd við samstarfsaðila í framleiðslu í meira en áratug. Við vinnum eingöngu með aðilum sem tryggja velferð starfsmanna og fylgja lögum viðkomandi lands er varða atvinnu, heilsu og öryggi.  Til þess að tryggja þetta gerum við eigin úttektir við framleiðslu á vörum okkar.

Samstarfsaðilar okkar í framleiðslu hafa bækistöðvar í eftirfarandi borgum:

  • Nantong, Kína
  • Porto, Portúgal
  • Borås, Svíþjóð

Að minnka sóun

Við getum haft mest áhrif í okkar nærumhverfi. Þess vegna höfum við lagt áherslu á að minnka sóun og auka endurvinnslu á skrifstofum okkar, verslunum og í eigin verksmiðjum.

Sóun

Við höfum flokkað úrgang í höfuðstöðvum okkar og verslunum í allt að fimm mismunandi endurvinnsluflokka frá því 2015. Um leið hættum við að kaupa einnota kaffimál og settum reglur um að kaupa einungis lífbrjótanleg og eiturefnalaus hreinsiefni ásamt LED-ljósaperum.​

Orka

Við erum heppin að búa í landi sem er nánast eingöngu knúið endurnýjanlegri orku og þar af leiðandi ganga höfuðstöðvar okkar og verslanir fyrir endurnýjanlegri orku. Í löndum utan Íslands notum við alltaf endurnýjanlega orku þegar það er hægt.​

Bréfpokar í verslunum

Úr endurunnum pappír.​

Verslanir
11 verslanir
Miðhraun 11

Ísland

Notkun endurnýjanlegra orkugjafa
Faxafen 12

Ísland

Notkun endurnýjanlegra orkugjafa
Kringlan

Ísland

Notkun endurnýjanlegra orkugjafa
Smáralind

Ísland

Notkun endurnýjanlegra orkugjafa
Laugavegur 17-19

Ísland

Notkun endurnýjanlegra orkugjafa
Bankastæti 5

Ísland

Notkun endurnýjanlegra orkugjafa
Hafnarstæti 94

Ísland

Notkun endurnýjanlegra orkugjafa
Skipagata

Ísland

Notkun endurnýjanlegra orkugjafa
Leifsstöð, Keflavík

Ísland

Notkun endurnýjanlegra orkugjafa
Sværtegade

Danmörk

Østergade

Danmörk

Verksmiðjur
2 verksmiðjur
Saldus

Lettland

Liela 77

Lettland

Vöruhús
2 vöruhús
Vöruhús Miðhrauni 10

Ísland

Notkun endurnýjanlegra orkugjafa
Vöruhús Miðhrauni 15

Ísland

Notkun endurnýjanlegra orkugjafa
Skrifstofur
3 Skrifstofur
Höfuðstöðvar, Miðhraun Garðabæ

Ísland

Notkun endurnýjanlegra orkugjafa
Flokkun sorps
10 Rafmagnsbílar
9 Hleðslustöðvar
Skrifstofa, Nikolaj Plads,

Kaupmannahöfn, Danmörk

Skrifstofa, 25 Wilton Rd, Victoria

London, England

Hringrás

Kynntu þér einnig

Samfélag

Það er okkar skuldbinding að huga að og stuðla að öllum hagsmunaaðilum í íslensku samfélagi

Sagan

Með þjóðinni í 90 ár.

FULL FRAMLEIÐSLUÁBYRGÐ
SKILAFRESTUR veitir 14 daga til að skila
SENDINGARTÍMI 1-4 virkir dagar
PÓSTUR
Skráðu þig á póstlistann og fáðu upplýsingar um vörur og fréttir frá 66°Norður
Skráðu þig
Opnunartímar verslana
Hér finnur þú upplýsingar um opnunartíma verslananna okkar
66ºNorður
Karlar
Aðstoð & upplýsingar
Hafðu samband
66north@66north.com
+354 535 6600
Midhraun 11, 210 Gardabaer
Viltu starfa hjá okkur?
Samfélagsmiðlar
Klæddu þig vel
© 66ºNorður Ísland, Allur réttur áskilinn
Persónuvernd og vafrakökur