Viðgerðir

Viðgerðir

Við rekum okkar eigin viðgerða- og breytingaþjónustu sem byggir á áratuga reynslu og sérþekkingu á fatnaði okkar. 66°Norður leggur áherslu á að vörur fyrirtækisins endist eins lengi og kostur er.

Á saumastofunni okkar gerum við við allan notaðan 66°Norður fatnað. Við mikla notkun á fatnaði fylgir eðlilegt slit, þess vegna reynum við að eiga birgðir af umfram efni, hnöppum og rennilásum, sem við nýtum svo til að lengja lífið á flíkunum okkar. Starfsfólk saumastofunnar leggur sig fram við að láta flíkina þína líta eins vel út og hægt er.

Ef svo illa vill til að fatnaður frá okkur skemmist eða breytinga er þörf, hvetjum við þig til að koma við í þjónustuverinu okkar í Miðhrauni 11 á höfuðborgarsvæðinu, verslunum okkar á Hafnarstræti 94 á Akureyri eða Sværtegade 12 í Kaupmannahöfn. Í framhaldinu mun viðgerðateymið kíkja á málið og reyna að aðstoða eftir fremsta megni.

Við biðjum vinsamlegast um að fatnaðurinn sé nýþveginn þegar komið er með hann í viðgerð. Sé fatnaðurinn ekki nýþveginn verður hann sendur í hreinsun á kostnað eiganda.

Sé vara ekki sótt innan þriggja mánaða, áskilum við okkur rétt til að selja vöruna fyrir kostnaði.

Til að hafa samband vinsamlegast smelltu hér eða fylltu inn formið hér að neðan.