Rauðasandur

Léttur anorakkur úr vatnsfráhrindandi efni, hannaður fyrir hreyfingu og breytileg veðurskilyrði. Á jakkanum eru hliðarvasar með innri vasa sem hægt er að pakka flíkinni inn í og þar með breyta henni í litla tösku með reim - tilvalið fyrir síma og aðra smáhluti á ferðinni. Stillanleg hetta, teygja við úlnlið og snúrugöng neðst á faldi svo hægt er að þrengja og aðlaga snið. Jakkinn er hálfrenndur að framan með stormlista sem kemur í veg fyrir að vindur blási í gegn.

Línan er létt og leikandi, innblásin af flugdrekum sem fljúga yfir á björtum sumardögum. Rauðasandur línan dregur nafn sitt af náttúruperlu á sunnanverðum Vestfjörðum, þar sem bjartar sumarnætur skapa einstakt umhverfi og þar sem litir fjallanna breytast eftir gangi sólarinnar. Línan fangar þannig þann einstaka anda sem skapast á íslenskum útihátíðum þar sem náttúra og tónlist skapa ógleymanlegar minningar.

Herra fyrirsætan er 185 cm á hæð og hann er í stærð L