Leiðangur upp suðurhlíðar Hrútfjallstinda

Klifið eina fallegustu tinda Íslands, Hrútfjallstinda.

Climbing the Ram – a vertical journey up the south face of Hrútfjallstindar.

Fjallavorið 2020 setti atvinnufjallgöngumaðurinn og ævintýrahuginn Siggi Bjarni Sveinsson sér það markmið að klífa suðurhlíðar Hrútfjallstinda. Það má segja að fjallið sem oft gengur undir nafninu Hrútsfjall sé einn af heilögum kaleikum fjallaklifurs á Íslandi. Saman mynduðu Siggi Bjarni og ljósmyndararnir og útivistaráhugamennirnir Benjamin Hardman og Þorsteinn Roy Jóhannsson þríeyki sem stefndi að þriggja daga könnunarleiðangri upp Hrútsfjallið. Klyfjaðir búnaði myndu þeir skrásetja ferðalagið jafnóðum.

Siggi fór yfir fjallgönguna með okkur og lýsti göngu hópsins upp á tindinn.

Þorsteinn, sem er uppalinn í Svínafelli við rætur fjallsins, hafði samband við Sigga en hann langaði að kanna svæðið sem hann hafði dreymt árum saman um að klífa. Þegar litið er til himins við Svínafell má sjá landsins hæstu tinda; Hrútfjallstinda og Hvannadalshnjúk gnæfa tignarlega yfir bænum. Fjölskylda Þorsteins hefur áratugum saman stundað smalamennsku í dalnum sem er umlukinn jöklum en með þessari fjallgöngu gafst tækifæri til að sjá útsýnið af hæsta tindinum. 

Fjöllin voru einfaldlega hluti tilverunnar í barnæsku Þorsteins. Það var ekki fyrr en hann fluttist til Reykjavíkur að hann áttaði sig á stórbrotnu landslagi heimahaganna og núna notar hann hvert tækifæri til þess að ferðast um og kanna jökulinn. Hæstu tindana átti hann þó enn eftir ókannaða. 

„Fyrr á þessu ári hafði Þorsteinn samband við mig um mögulega ferð á Hrútfjallstinda. Hrútfjallstindar rísa upp úr Vatnajökli, á milli Svínafellsjökuls og Skaftafellsjökuls, og ná hæst um 1.875 m hæð. Jöklarnir eru stórkostlegir og af þeim er ein fallegasta fjallasýn Íslands. 

Ég var spenntur fyrir nýju ævintýri og stakk því upp á að fara suðurhlíð tindsins en hún er skemmtilegri og meira klifur. Fyrir nokkrum árum fór ég þessa sömu leið og hafði því einhverja hugmynd um hvernig verkefni þetta yrði. Í fyrri ferðinni lentum við í mjög þungu færi í uppganginum, blautum snjó sem við sukkum ofan í upp að hnjám, sem breyttist svo í mikið púður sem náði okkur upp að mitti. Sá leiðangur endaði í 22 tíma ferðalagi í mjög krefjandi aðstæðum sem kenndi mér að vanmeta alls ekki suðurhlíð Hrútfjallstinda. 

Þegar litið er til himins við Svínafell má sjá landsins hæstu tinda; Hrútfjallstinda og Hvannadalshnjúk gnæfa tignarlega yfir bænum.

Til að klára svona verkefni á þremur dögum og gera það vel, þarf að fá stöðugan veðurglugga og góðar aðstæður fyrir klifur. Þegar ferðast er með mikinn búnað í fjallshlíðum getur margt haft áhrif á ferðahraðann. Taka þarf tillit til steinhruns sem fer af stað þegar sólin hitar laust berg og íshruns sem getur leitt til snjóflóðs. Það er því að mörgu að huga. Snjórinn þarf bæði að vera stöðugur, svo snjóflóðahætta sé í lágmarki, og nógu góður til þess að hylja sprungur á leiðinni. Á brattasta hluta hlíðarinnar þarf ísinn að vera vel klífanlegur og snjórinn góður svo hægt sé að ferðast með mikla þyngd án þess að örmagnast. Mikilvægasti þátturinn er þó sá mannlegi. Það að vera með samstilltan hóp sem getur brugðist við aðstæðum fljótt og örugglega, stillt sig saman í öruggt og skemmtilegt ferðalag og tekið tíma í myndatöku er ekki sjálfsagt - en í þetta sinn small þetta.

Ég hafði frétt af góðum aðstæðum á Vatnajökli í byrjun maí og sá að það var góður veðurgluggi framundan. Svona góðan glugga var ekki hægt að láta framhjá sér fara og með tveggja daga fyrirvara ákváðum við að ráðast á hlíðina.

Enn voru nokkrir óvissuþættir um hvar bestu aðstæður til klifurs í hlíðinni væru og hvernig snjóalög yrðu. Mesta óvissan var samt hvernig við ætluðum að komast inn að Hrútsfjalli yfir Svínafellsjökul. Í síðustu ferð minni var fært inn á Svínafellsjökul við Hafrafell en sú leið var ekki lengur fær sökum þess hve mikið jökullinn hefur hopað síðustu ár. Þar sem Þorsteinn hafði smalað á svæðinu fyrr á árinu lagði hann til að við færum inn á jökulinn við Svínafell. Þessar upplýsingar yrðu að duga til þess að fara af stað en framhaldið þurfti að vera sveigjanlegt eftir aðstæðum á jöklinum.

Við hófum gönguna meðfram Svínafelli. Bakpokarnir voru heldur þungir en okkur gekk vel að þræða hlíðarnar.

Við vorum á eftir tímaplani og pokarnir farnir að síga í, eftir aðeins fjögurra klukkustunda ferð. 

Mánudagsmorguninn 27. apríl klukkan sjö hittumst við fullir tilhlökkunar og fórum yfir áætlunina. Ráðgert var að byrja að ganga samdægurs og reyna að komast á Hafrafell í 800 m hæð og verja fyrstu nóttinni þar. Með því ættum við að vera í skotlínu við toppinn og geta svo tjaldað seinni nóttina við Vesturtind og farið þaðan niður á þriðja degi í rólegheitum.

Í ökuferð okkar inn í Skaftafell stoppuðum við í vegkanti og skoðuðum aðstæður til fjalla. Þetta er eitt fallegasta útsýni frá vegi á Íslandi og það var ekki verra að við sáum glöggt bæði snjóalög og aðstæður til göngu sem gáfu okkur grænt ljós á að halda förinni áfram. Þá gátum við ákveðið hvaða leið við ætluðum að reyna við. Áætlunin var að leggja af stað klukkan tvö eftir hádegi og ganga næstu sex tímana.  

Við hófum gönguna meðfram Svínafelli. Bakpokarnir voru heldur þungir en okkur gekk vel að þræða hlíðarnar. Við komumst inn á jökul með því að gefa okkur smá tíma í að athuga leiðina. Þetta var stór óvissuþáttur hjá okkur í ferðinni þar sem við vorum ekki með nákvæmar upplýsingar um hvar eða hvort þessi leið væri ennþá fær vegna landsigs sem hafði átt sér stað.

Þegar við komum inn á Svínafellsjökul var hann þakinn snjó. Þar sem ómögulegt var að greina hættur á skriðjöklinum var ekkert annað í stöðunni en að henda okkur í línu til öryggis. Við vorum á eftir tímaplani og pokarnir farnir að síga í, eftir aðeins fjögurra klukkustunda ferð. 

Við tjölduðum á alveg mögnuðum stað, byrjuðum að bræða snjó, setja upp tjaldbúðir og koma okkur fyrir. 

Að komast inn að rótum Hrútsfjalls var ákveðinn sigur. Við ákváðum að halda upp í hlíðarnar og reyna að koma okkur vel fyrir til að geta átt möguleika á að komast upp þröngt og bratt gil í suðurhlíðinni. Þar er hætta á steinhruni ef sólin skín og ekki öruggt að ferðast upp. Við vorum að byrja uppgöngu mjög seint á mánudeginum og sólbráð skapaði mjög þungan snjó að ganga í. Við örkuðum upp hrygginn og sporuðum upp að hnjám. Okkur gekk mjög hægt að ferðast með þunga pokana en settum okkur markmið að komast í 700 m hæð til þess að geta sett upp tjaldbúðir á hryggnum. Það var öruggara að tjalda þar vegna mögulegs snjó- og steinhruns. Þar gátum við einnig athugað leiðina fyrir næsta dag áður en það færi að rökkva og gert áætlun út frá því.

Þegar við komum í næturstað vorum við nokkuð þreyttir enda hafði dagurinn verið langur. Við tjölduðum á alveg mögnuðum stað, byrjuðum að bræða snjó, setja upp tjaldbúðir og koma okkur fyrir. Þegar við byrjuðum að bræða snjóinn kom í ljós að bensínbrennarinn virkaði ekki. Svo virtist sem pumpan hefði skaddast á leiðinni. Við reyndum hvað við gátum að ná honum í gagnið enda þurftum við að bræða tíu lítra af vatni og gasið virkaði mjög hægt í næturkuldanum. Að lokum náðum við honum ekki í gang, sama hvað við reyndum. Sem betur fer vorum við þó með aukabúnað, annars hefðum við þurft að snúa við og hætta við leiðangurinn. Það tók okkur þrjár klukkustundir að bræða snjóinn; klukkan var orðin eitt eftir miðnætti þegar við gátum loks farið að hvíla okkur.

Hvíld getur skipt miklu máli í svona margra daga leiðangri, bæði til að vera hæfur til að taka mikilvægar ákvarðanir og vegna virkni líkamans í krefjandi aðstæðum. Við ákváðum því að sofa tveimur tímum lengur morguninn eftir og leggja af stað klukkan sjö. Aðstæðurnar yrðu erfiðari í byrjun dags í kjölfarið en við ættum enn að ná að fara upp gilið áður en sólin næði í það.

Aðstæðurnar þegar við vöknuðum voru stórkostlegar. Útsýnið yfir ísfall Svínafellsjökuls og Hvannadalshnjúks var ólýsanlega fagurt. Snjóinn hafði ekki náð að frysta nægilega þar sem við byrjuðum daginn svo snjórinn var blautur og þungur. Eftir tveggja klukkustunda göngu vorum við komnir inn að brattasta hluta hlíðarinnar og í skugga. Þar var snjórinn frosinn og fullkominn til að ferðast í.

Aðstæðurnar þegar við vöknuðum voru stórkostlegar. Útsýnið yfir ísfall Svínafellsjökuls og Hvannadalshnjúks var ólýsanlega fagurt.

Gríðarstór grýlukerti skreyttu klettavegginn og of mikil áhætta var að reyna við þá leið. Við gætum ekki skýlt okkur frá íshruni ef sólin næði á ísinn.

Þungar aðstæður morgunsins og umframhvíldin kom okkur í kapp við tímann.

Gangan upp brattar hlíðar Hrútsfjalls varð að vera hröð til að tryggja okkur fyrir steinhruni. Smágrjót og klaki tóku að hrynja svo við þurftum að haska okkur þennan spotta. Þetta tók verulega á hópinn og ekki virtust pokarnir léttast. Við sluppum við steinhrunið en okkur gekk hægt upp.

Það var skýrt að ef við gætum ekki verið á undan sólinni þyrftum við að snúa við. Annað væri áhætta sem ekki væri réttlætanlegt að taka. Við komum okkur fyrir á öruggum stað þar sem mátti sjá leiðina sem upphaflega hafði verið áætluð. Gríðarstór grýlukerti skreyttu klettavegginn og of mikil áhætta var að reyna við þá leið. Við gætum ekki skýlt okkur frá íshruni ef sólin næði á ísinn.

Benjamin kom þá auga á ísfoss uppi á hrygg. Hann var um 50 m hár en ísinn leit mjög vel út og var í góðu skjóli frá mögulegu hruni. Við ákváðum að láta slag standa.

Ég kom okkur fyrir á öruggum stað undir ísfossinum og breytti línunni okkar fyrir spannaklifur. Ég leiddi og hóf klifið upp fossinn. Þegar upp var komið setti ég upp tryggingakerfi og þeir klifruðu á eftir meðan ég tryggði upp. Klifrið var virkilega skemmtilegt og á mjög góðum ís og við komumst upp á hrygg án vandkvæða. Þar nærðum við okkur vel og nutum frábærs útsýnis. Þorsteinn trúði okkur fyrir því að hann hefði hugsað með sér áður en ísklifrið hófst hvað í ósköpunum hann væri að gera þarna hangandi á ísvegg og hvað hann væri eiginlega búinn að koma sér út í. Þegar upp var komið varð hann svo himinlifandi með það sem hann hafði áorkað.

Þegar við vorum búnir að spjalla svolítið saman var ljóst að gilið og klifrið hafði dregið mikla orku úr hópnum. Við ákváðum að halda áfram upp fyrir ísfallið og taka stöðuna þar.

Við þurftum að þvera brekku áður en við gætum gengið beint upp, aftur tók þetta lengri tíma vegna pokanna og það þurfti að tryggja öryggið. Eftir að við vorum komnir upp úr brattanum og undir Suðurtind þá tókum við vatnsstöðu. Það var augljóst að við höfðum hvorki nægt vatn né orku til að halda áætlun og það var einnig liðið á daginn. Þarna stóðum við í 1500 m hæð, klukkan var þrjú eftir hádegi og u.þ.b. þrjár klukkustundir eftir upp á topp.

Bensínbrennarinn hafði bilað fyrsta kvöldið svo við urðum að nota aukabrennarann við vatnsbræðsluna. Þegar hér var komið sögu í göngunni var mikilvægt að hafa skýra áætlun varðandi vatnsbyrgðirnar. Í fyrsta lagi urðum við að tryggja að við hefðum vatn sem dygði okkur fyrir niðurleiðina næsta dag áður en við gætum farið að bræða vatn þetta kvöld fyrir lokaátökin upp á tind. Það kom vel til greina að við þyrftum að snúa við ef gasið dygði ekki. Þegar við höfðum brætt nóg vatn fyrir niðurferð ákváðum við að hvílast þarna lengur, næra okkur, setja upp búðir og safna orku. Eftir að tjaldið var komið upp náðum við að laga bensínbrennarann svo við gátum brætt heilmikinn snjó sem ætti að duga fyrir tindinn og niðurferðina næsta dag. Það var mikill léttir. Tjaldbúðirnar sem við settum upp voru í einu magnaðasta umhverfi sem ég hef verið með búðir í. Veðrið var frábært, algjör stilla og lágský flutu fyrir neðan okkur.

Veðrið var frábært, algjör stilla og lágský flutu fyrir neðan okkur.

Eftir að við höfðum hvílst og nærst vel þá ákváðum við að reyna að ná upp á tind við sólsetur. Útsýnið af fjallstindinum getur verið stórkostlegt á þeim tíma dags þegar sólroðinn breiðir úr sér yfir jökulinn. Við gátum ferðast léttir frá búðunum upp á topp. Það gekk vel hjá okkur að fara upp jökulinn og þræða sprungur á heldum snjóbrúm. Sums staðar voru sprungurnar opnar og gapandi þannig að við gátum horft djúpt ofan í jökulinn. Það var heldur ófrýnileg sjón, svo ekki sé meira sagt.

Þegar við vorum komnir inn undir tindinn þurftum við að þræða okkur aftur upp brattan hrygg. Með hryggbrúnina undir fótum okkar gáfum við okkur góðan tíma í þennan hluta ferðarinnar enda engin mistök leyfð. Við fórum aftur í spannaklifur og klifruðum til skiptis upp hrygginn sem leiddi til auðveldari göngu á toppinn. Eftir tvær spannir og með gætilegu klifri náðum við takmarkinu og stóðum loks á vesturtindi Hrútsfjallstinds.

Með hryggbrúnina undir fótum okkar gáfum við okkur góðan tíma í þennan hluta ferðarinnar enda engin mistök leyfð.

Það gekk vel hjá okkur að fara upp jökulinn og þræða sprungur á heldum snjóbrúm.

Það voru lágský fyrir neðan okkur en hæstu tindar Íslands stóðu tignarlegir í kvöldroðanum. Sólsetrið glæddi skýin og ísbreiðurnar rauðum, bleikum og rauðgulum ljóma. Þrátt fyrir rok og fimbulkulda á toppnum gátum við ekki látið tækifærið til að mynda landslagið framhjá okkur fara. Benjamin og Þorsteinn drógu fram myndavélarnar og drónana til þess að festa stórbrotið útsýnið á filmu meðan við nutum stundarinnar, bókstaflega í skýjunum.

Það voru lágský fyrir neðan okkur en hæstu tindar Íslands stóðu tignarlegir í kvöldroðanum. Sólsetrið glæddi skýin og ísbreiðurnar rauðum, bleikum og rauðgulum ljóma.

Þó svo að toppnum væri náð þurftum við að halda einbeitingu enda áttum við eftir krefjandi niðurleið. Sólin var alveg að setjast og við þurftum að nýta síðasta sólarljósið áður en það yrði kalt. Við klifruðum niður til skiptis á meðan við tryggðum línuna til að ganga úr skugga um að enginn ylti niður brattar hlíðar tindsins í harðfenninu. Útsýnið var óviðjafnanlegt niður á skýjabakka þar sem við sigum og fetuðum okkur áfram niður. Við tryggðum þrjár 60 m spannir og ferðaumhverfið varð aftur frekar einfalt. Þá gátum við þrætt gömlu fótsporin okkar niður í tjaldbúðirnar. Við náðum til búða í ljósaskiptunum og það lá vel á okkur þegar við fórum yfir ótrúlega atburði kvöldsins.  Norðurljósin stigu dans á himinhvolfinu á meðan við undirbjuggum kvöldverð. Þessi stutta kvöldstund var til marks um það hversu heppnir við höfðum verið í ferðinni. Allt hafði gengið að óskum.

Við klifruðum niður til skiptis á meðan við tryggðum línuna til að ganga úr skugga um að enginn ylti niður brattar hlíðar tindsins í harðfenninu.

Það var deginum ljósara að við vorum einstaklega heppnir með veðrið. Það að vakna aftur í björtu og stillu á jöklinum var ekki sjálfgefið. Þrír dagar af kyrrlátu og óaðfinnanlegu veðri gat aðeins þýtt að gangan hafði verið skrifuð í skýin.

Við vorum búnir að plana frekar einfalda ferð niður þar sem við ætluðum að fara inn á venjulegu gönguleiðina ofan af Hátindi. Því leyfðum við okkur að sofa aðeins lengur og tókum okkar tíma til að taka saman tjaldbúðirnar. Við ferðuðumst niður í frábærum aðstæðum. Það var heiðskírt, logn, góður snjór að ganga á og öruggar snjóbrýr. Niðurleiðin tók okkur um sjö klukkustundir enda bakpokarnir nokkuð vel troðnir þrátt fyrir að við hefðum mestmegnis náð að klára vistirnar. Þegar við komum loks niður Hafrafell um kaffileytið beið okkar veisla í Svínafelli hjá fjölskyldu Þorsteins þar sem gestrisnin var í fyrirrúmi. Við ræddum ferðina fram og til baka og vorum sammála því að þetta hefði verið virkilega vel heppnað, góðar ákvarðanir hefðu verið teknar og að við hefðum ferðast með öryggið í huga. Sú tilfinning er gríðarlega mikilvæg eftir svona umfangsmikla skipulagningu. Markmiðinu var náð, við klifum tindinn og Þorsteinn og Benjamin náðu að mynda alla ferðina okkar til að deila með útivistaráhugafólki landsins. 

Við náðum til búða í ljósaskiptunum og það lá vel á okkur þegar við fórum yfir ótrúlega atburði kvöldsins.Norðurljósin stigu dans á himinhvolfinu á meðan við undirbjuggum kvöldverð. Þessi stutta kvöldstund var til marks um það hversu heppnir við höfðum verið í ferðinni. Allt hafði gengið að óskum.

Það að vakna aftur í björtu og stillu á jöklinum var ekki sjálfgefið. Þrír dagar af kyrrlátu og óaðfinnanlegu veðri gat aðeins þýtt að gangan hafði verið skrifuð í skýin.

Ísland er falinn fjársjóður þegar kemur að fjallgöngum. Þótt fjöllin séu ekki ýkja há á heimsmælikvarða er það þó svo að ferðin hefst alltaf við sjávarmál sem gerir dagana langa, krefjandi og æsispennandi. Jöklaganga er einstök lífsreynsla í sjálfu sér en verður enn minnisstæðari þegar henni er skeytt við langa fjallgöngu. Hrekkjóttir veðurguðirnir yfir Norður-Atlantshafi halda manni við efnið og mikilvægt er að velja rétta tímann veðurfarslega og vera vel búinn þegar kemur að klæðnaði svo hægt sé að bregðast hratt við snöggum veðrabreytingum. Það eru nokkrir ferðaþjónustuaðilar sem sérhæfa sig í göngum á Skaftafellssvæðinu þannig að enginn ætti að vera í vandræðum með að finna atvinnuleiðsögumann eða gönguhóp ef stefnan er tekin á að klífa hæstu tinda landsins á vormisseri.

Í nær hundrað ár hefur 66°Norður framleitt fatnað fyrir vinnandi fólk með það að markmiði að gera leik og starf mögulegt í krefjandi aðstæðum. NORÐUR sögurnar segja frá fólkinu, fatnaðinum, veruleikanum og sérkennilega hversdagslífinu.

Full-time musician, part-time snowboarder | Ivar Petur

Ferðalögum á norðurslóðum fylgir einstök náttúrufegurð. Komdu með.

arctic-glow-land-rover-loop.mp4

Dúnn er eitt hlýjasta efni sem völ er á. Það hentar jafnvel í ys og þys borgarinnar eins og uppi á hálendi.

Skel og dúnjakki sem hægt er að nota saman eða í sitthvoru lagi.

3 yfirhafnir í 1 og hentar því allan ársins hring

Tvioddi er 3 flíkur í einni flík. Hægt er að klæðast henni (1) sem dúnúlpu með Gore-Tex skel (2) sem dúnúlpu (3) sem vatnsheldri skel. Tvíoddi er í hefðbundnu sniði og augljós kostur hvort sem þú ert að fara í göngu eða bara sem hversdags yfirhöfn. Þannig fækkar þeim fjölda yfirhafna sem þú þarft að eiga í fataskápnum.

Skjólgóð föt verða einfaldlega að virka. Þess vegna lagfærum við eða skiptum út öllum gölluðum flíkum án endurgjalds.

Gæðafatnaður á að endast alla ævi - og helst lengur. Við gerum við flíkina þína, sama hversu gömul hún er.

Góð ending, endurnýtt efni og bættir framleiðsluhættir: Allt hjálpar þetta til við að lágmarka okkar sótspor og hafa jákvæð áhrif á umhverfið.

Fylgstu með NORÐUR sögum með því að skrá þig á póstlistann og fylgja okkur á Instagram

Tindur shearling jakkinn er tilvalinn sem miðlag í miklum kulda eða sem ysta lag á hlýrri dögum.

Tindur er tæknileg flíspeysa úr Polartec® Wind Pro® Stretch og krulluflís. Polartec® Wind Pro® Stretch er fjórum sinnum vindþéttari en venjulegt flísefni. Aukin öndun í gegnum hliðarvasa. Frábær flík allt árið um kring.

Kíktu við, prófaðu flíkurnar og fáðu ráð frá reyndu og sérþjálfuðu starfsfólki.

Fáðu ráðgjöf hjá sérþjálfuðu starfsfólki. Mátaðu loksins stílana sem þú hefur legið yfir á netinu. Upplifðu gæðin með því að sjá og snerta fatnaðinn. Uppgötvaðu flíkur sem þú hafðir ekki hugmynd um að væru til. Skilaðu eldri flíkum til endurvinnslu, láttu gera við lúin föt eða sæktu netpöntunina þína. Það er alltaf gaman að kíkja við í verslunum 66°Norður.

Starfsfólk 66°Norður í vinnuferð á Laugarvatni 2017

Við vitum að gott starfsfólk er stærsti auður hvers fyrirtækis. Við leggjum okkur fram um að skapa starfsfólki okkar gott og heilsusamlegt vinnuumhverfi sem það getur verið stolt af. Við viljum veita hæfileikaríku fólki á öllum aldri tækifæri til að njóta sín og vaxa í starfi.

Það er 66°Norður mikilvægt að starfsfólkið taki þátt í að móta framtíð fyrirtækisins hverju sinni. Árlega er haldinn stór fundur þar sem starfsmenn koma saman og skiptast á hugmyndum um hvernig má bæta 66°Norður bæði sem vinnustað og fyrirtæki. Vinnan á þessum fundum hefur verið þróuð áfram með ýmsum hætti, til dæmis í áætlun 66°Norður um að nota eingöngu endurnýjanlega orku í verslunum og skrifstofum. 

Árlega framkvæmum við mælingu á starfsánægju starfsmanna í samvinnu við VR með það að markmiði að auka vellíðan þeirra í starfi.  Í ágúst 2018 innleiddum við mánaðarlegar kannanir sem gera okkur kleift að bregðast enn hraðar við. 66°Norður býður starfsfólki upp á árlega heilsufarsmælingu. Við erum stolt af því að vera eitt af fyrirmyndarfyrirtækjum ársins 2020 skv könnun VR.

Mannauðsmælirinn er eins konar púlsmælir sem mælir heilbrigði fyrirtækisins í rauntíma í hverjum mánuði.​

Við gerum mánaðarlega starfsánægjukönnun með mannauðsmælingum bæði á Íslandi og í Danmörku.​

Við mælum og hlustum á það sem starfsfólki liggur á hjarta. ​

Þetta gerum við til þess að bæta vinnuumhverfi og -þátttöku. Í hverjum mánuði skoðum við svo niðurstöðurnar með starfsfólki og yfirmönnum og fögnum því sem vel var gert og bregðumst við því sem betur má fara.​

Sjóklæðagerðin skuldbindur sig til að tryggja að jöfn laun séu greidd fyrir jafn verðmæt störf óháð kyni. Stefnan er unnin í samræmi við lög nr. 10/​2008 og annarra laga er snúa að jafnrétti. Stefnan nær til allra starfsmanna Sjóklæðagerðarinnar. Stefna Sjóklæðagerðarinnar er að vera vinnustaður þar sem hver einstaklingur er metinn að verðleikum og að allir hafi jöfn tækifæri óháð kyni. Það er á ábyrgð stjórnenda að framfylgja stefnunni og tryggja að jafnréttis sé gætt við launaákvarðanir ásamt því að bregðast við óútskýrðum launamun og öðru sem tengist jafnlaunakerfi sé þess þörf.

Árlega rýna stjórnendur stefnuna ásamt jafnréttisáætlun og vinna að stöðugum umbótum á hvoru tveggja.

Lista yfir aðila sem hlotið hafa jafnlaunavottun má finna hér.

66°Norður leggur mikið upp úr því að skapa vettvang fyrir starfsfólk sem stuðlar að hreyfingu og jákvæðri líðan. Í því felst að bjóða upp á líkamsræktartíma í hádeginu, skipulagðar áskoranir eins og að ganga á fjöll eða fara að hlaupa, í jógatíma, hugleiða, sjálfsstyrkingarfyrirlestur svo eitthvað sé nefnt.

Við rekum okkar eigin verksmiðjur í Saldus, Aizpute og Kuldiga í Lettlandi þar sem við erum með um 200 starfsmenn sem framleiða 59% af vörulínunni okkar og 48% af framleiðsluvirðinu. Með því að starfrækja okkar eigin verksmiðjur höfum við það forskot að þekkja hvert skref framleiðslunnar; úr hverju varan er, hvernig varan er meðhöndluð auk þess sem það eykur rekjanleika og heildarsýn. Verksmiðjur okkar eru reknar skv. reglugerðum Evrópusambandsins um vinnuréttindi og heilsu og öryggi á vinnustað. Allt starfsfólk okkar í Lettlandi er með atvinnutryggingu.

Þetta er það sem við framleiðum: Saumþéttar flíkur (t.d. skeljakka), flísfatnað, regnfatnað/sjófatnað, vinnufatnað, buxur, hanska, vettlinga og aðrar smávörur.

Við höfum byggt upp traust og náin viðskiptasambönd við samstarfsaðila í framleiðslu í meira en áratug. Við vinnum eingöngu með aðilum sem tryggja velferð starfsmanna og fylgja lögum viðkomandi lands er varða atvinnu, heilsu og öryggi.  Til þess að tryggja þetta gerum við eigin úttektir við framleiðslu á vörum okkar. 

Samstarfsaðilar okkar í framleiðslu hafa bækistöðvar í eftirfarandi borgum:

Við getum haft mest áhrif í okkar nærumhverfi. Þess vegna höfum við lagt áherslu á að minnka sóun og auka endurvinnslu á skrifstofum okkar, verslunum og í eigin verksmiðjum.

Við höfum flokkað úrgang í höfuðstöðvum okkar og verslunum í allt að fimm mismunandi endurvinnsluflokka frá því 2015. Um leið hættum við að kaupa einnota kaffimál og settum reglur um að kaupa einungis lífbrjótanleg og eiturefnalaus hreinsiefni ásamt LED-ljósaperum.​

Við erum heppin að búa í landi sem er nánast eingöngu knúið endurnýjanlegri orku og þar af leiðandi ganga höfuðstöðvar okkar og verslanir fyrir endurnýjanlegri orku. Í löndum utan Íslands notum við alltaf endurnýjanlega orku þegar það er hægt.​

Fyrirtækjaþjónusta 66°Norður sérsníður tilboð í fatnað að þínum þörfum hverju sinni og öflugt teymi viðskiptastjóra aðstoðar þig við að finna réttu vörurnar fyrir þína starfsmenn.

Fyrirtækjasvið 66°Norður er þér innan handar í síma 535-6660 eða í tölvupósti á soludeild@66north.is

Skráðu fyrirtækið þitt á póstlista fyrirtækjasviðs hér fyrir neðan og fáðu upplýsingar um vörur og tilboð.

Á myndinni er Poseidon Arctic Voyages í leiðangri á Grænlandi. Starfsmaður er klæddur í Hornstrandir GORE-TEX®Pro jakka og þeirra lógó er prentað á jakkann.

66°Norður býður upp á fjölbreytt úrval af starfsmannafatnaði. Hvort sem um er að ræða skjólgóðan útivistarfatnað fyrir óútreiknanlega veðráttu eða snyrtilegan og þægilegan fatnað fyrir skrifstofuna þá bjóðum við fatnað sem hentar flest allri starfsemi. Við vinnum náið með fyrirtækjum til að finna rétta fatnaðinn hverju sinni.

Gjafakort 66°Norður er frábær gjöf fyrir starfsmenn og viðskiptavini. Gjafakortin virka í öllum verslunum 66°Norður á Íslandi ásamt útsölumörkuðum en þó ekki í vefverslun. 

Við höfum valið að gefa starfsmönnum okkar jólagjafir frá 66°Norður. Óhætt er að segja að það val hafi vakið mikla gleði hjá starfsmönnum okkar. Öll þjónusta hjá 66°Norður hefur verið frábær og mæli ég svo sannarlega með þessari leið hjá fyrirtækjum til að gleðja sína starfsmenn.“

Ingibjörg Arnljótsdóttir, mannauðsstjóri Símans.

Gjöf frá 66°Norður er gjöf sem hittir í mark.

Við vinnum náið með okkar viðskiptavinum til að finna réttu gjöfina hverju sinni, hvort sem þú ert að leita að jólagjöf, sumargjöf eða öðrum tækifærisgjöfum.

Land Rover við tökur á Íslandi. Starfsmaður er klæddur í Þórsmörk Parka úlpu og lógó fyrirtækisins er saumað í úlpuna.

Við bjóðum upp á að láta merkja fatnað með silkiprenti og ísaum. Margar aðferðir standa viðskiptavinum til boða og merkingarnar endast vel.

66°Norður hefur um árabil framleitt sérsaumaðan fatnað fyrir stærri fyrirtæki, stofnanir og félagasamtök. Sjóklæðagerðin hefur meðal annars þróað fatnað fyrir embætti Ríkislögreglustjóra, Slökkvilið höfuðborgarsvæðisins, Slysavarnafélagið Landsbjörg, auk fjölmargra annarra íslenskra fyrirtækja. 66°Norður leggur metnað í vandaða hönnun í nánu samstarfi við viðkomandi fyrirtæki eða stofnun. Þannig er kappkostað að uppfylla sem best þarfir viðskiptavina og framleiða fatnað sem stenst kröfur um útlit, styrkleika og verð.

Meirihluti fatnaðar frá 66°Norður er framleiddur í okkar eigin verksmiðjum, undir ströngu eftirliti og með umhverfisvænum aðferðum. Við störfum náið með framleiðendum þeirra efna sem við veljum fyrir fatnaðinn okkar og leitum ávallt uppi vönduðustu og öruggustu efnin sem völ er á. Þjálfaðir fjallamenn, björgunarsveitir og aðrir sem vinna verk sín utandyra prófa fatnaðinn áður en framleiðsla hefst.

Þannig vitum við að fatnaðurinn frá 66°Norður mun reynast þér þægilegur og öruggur í köldu og blautu veðri í borginni og dýrmætur þegar þú vilt reyna þig úti í náttúrunni. Veðrið á Íslandi er þekkt fyrir að koma sífellt á óvart.

Fyrirtækjaþjónusta 66°Norður sérsníður tilboð í fatnað að þínum þörfum hverju sinni og öflugt teymi viðskiptastjóra aðstoðar þig
við að finna réttu vörurnar fyrir þína starfsmenn.

Íslenski veturinn getur verið mjög heillandi fyrir þá sem stunda útihlaup, en að sama skapi getur hann reynst erfiður ef ekki er notast við réttan útbúnað. Þú nærð töluvert meiri framförum á vorin og sumrin ef þú hefur æft jafnt og þétt yfir veturinn, en það þýðir auðvitað að þú verður að vera tilbúin/n að hlaupa í hvaða veðri sem er. Fáir geta veitt betri ráðleggingar en einir bestu hlauparar landsins, Elísabet Margeirsdóttir og Þorbergur Ingi Jónsson.

„Veðrið lítur alltaf mun verr út um gluggann en það er í raun.”

Elísabetu Margeirsdóttur þarf vart að kynna en hún er fremsta fjallahlaupakona landsins og náði þeim magnaða árangri á síðasta ári að klára fyrst kvenna, 400 kílómetra utanvegahlaup í asísku Gobi eyðimörkinni á undir 100 klukkustundum. Hún hljóp Laugaveginn fyrst árið 2009 og tók svo stóra skrefið tveimur árum síðar þegar hún skráði sig í sitt fyrsta 100 kílómetra hlaup. Síðan þá hefur hlaupið átt hug hennar allan.

„Það tók mig satt best að segja ágætis tíma að læra að njóta þess að hlaupa í hvers kyns veðri” segir Elísabet. „Ef þú ert vel klædd/ur, þá er það lítið mál og maður byrjar hreinlega að njóta þess. Það verður svo smám saman stór partur af þessu öllu, að storka sjálfum sér, reyna á eigin þolmörk og að bjóða veðrinu birginn.”

Klæddu þig eftir veðri, en ekki gleyma því að læra að meta kuldann (allavega til að byrja með).

„Vertu viss um hvernig aðstæður þú ert að fara út í” segir Þorbergur Ingi Jónsson, sem starfar á daginn sem verkfræðingur, en á 5 bestu hlaupatímana í vinsælasta utanvegarhlaupi Íslands, Laugarvegshlaupinu. „Veðrið á veturna getur verið virkilega ófyrirsjáanlegt. Kynntu þér veðurspánna samdægurs og klæddu þig í takt við það. Rigning og frost kallar ekki á sama fatnað.”

„Ef þér er heitt þegar þú byrjar að hlaupa, þá veistu að þér mun verða allt of heitt þegar lengra dregur. Það er eitthvað sem þú vilt forðast. Klæddu þig vel, en ekki of vel.” segir Þorbergur. „Á veturna hleyp ég alltaf með vettlinga og húfu. Það eru aukahlutir sem er auðvelt að setja á og fjarlægja á ferðinni, sem gerir þá fullkomna til að stilla af hitastigið í hlaupunum.”

Staðarfell er framleiddur úr Polartec Neoshell, eitt fremsta efni á markaðinum þegar kemur að teygjanleika og öndunareiginleikum. Ef að hitastigið úti er fyrir ofan frostmark, þá mælum við með því að nota Gretti hálfrenndan bol innan undir. Ef hitastigið er hins vegar fyrir neðan frostmark, þá mælum við með því að klæðast Básar merínó ullarbol.

„Ég hef notað jakkann mjög mikið við ýmsar aðstæður og er hann frábær fyrir íslenskt veður”. segir Elísabet Margeirsdóttir. „Helstu kostir jakkans eru að hann er hlýr og andar einstaklega vel. Hann virkar vel fyrir allar árstíðir, góður fyrir langar æfingar í frosti og einnig í roki eða rigningu. Af því að hann andar svo vel þá líður mér alltaf vel í honum. Get einnig notað hann á rólegum æfingum þegar veðrið er gott en pínu svalt.”

Aðalvík hettupeysan er virkilega léttur bolur í þröngu hettupeysusniði. Efnið teygist á fjóra vegu og andar einstaklega vel. Heldur húðinni þurri og hjálpar þaf af leiðandi líkamanum að halda sínu náttúrulega hitastigi.

Elísabet mælir með eftirfarandi utanvegaleiðum í nágrenni Reykjavíkur

Hlaupaæfingaplan frá Elísabetu og Þorbergi

Lögun úlpunnar og hönnun dúnskilrúmanna búa til hjúp af lofti sem fangar og magnar upp hita sem verður til við hreyfingu í köldum aðstæðum.

Tindur er ein af okkar háþróuðustu úlpum þegar kemur að einangrun.

Einangruð með 800 fill-power hvítum andadúni. 90% dúnn og 10% fjaðrir.

Lögun og sérstök hönnun dúnskilrúma Tinds dúnúlpunnar gera framleiðslu hennar flókna og getur eitt eintak tekið upp undir tvo daga í framleiðslu.  Hönnun úlpunnar er byggð á sömu tækni og dúngallinn sem Leifur Örn Svavarsson klæddist þegar hann kleif norðurhlið Everest fyrstur Íslendinga. Tindur er því hannaður til þess að standast krefjandi aðstæður, veitir einstaklega gott rými til hreyfingar. Úlpan sameinar tæknilega eiginleika og klassíska hönnun sem gerir þetta að flík sem hvort tveggja er hægt að klæðast á fjöllum eða í bænum.

Tindur er einangraður með 800 fill-power hvítum andadúni, 90% dúni og 10% fjöðrum, og hefur sérstaka innri uppbyggingu. Dúnhólfin í úlpunni eru aðskilin með sérstökum skilrúmum sem annars vegar koma í veg fyrir að dúnninn færist milli hólfa, og hinsvegar viðhalda jafnri dreyfingu dúnsins í úlpunni og sjá til þess að úlpan veiti einstaka einangrun.

Fislétt 100% nælon með vatnsfráhrindandi eiginleikum. Efnið endurvarpar ljósi á einstakan hátt og breytir um blæbrigði í mismunandi ljósaðstæðum.

Hetta sem hægt er að taka af, snúrugöng til að þrengja við op.

Tindur er með 5 stóra vasa; tvo rennda vasa að framan og tvo að innanverðu. Einn opinn vasi að innanverðu.

Tveggja sleða rennilás fyrir aukin þægindi, auk stormlista sem festur er með frönskum rennilás. Stroff við úlnlið sem þrengt er með frönskum rennilás. Snjóhlíf í mitti til að hindra aðgengi kulda eða snjós inn undir úlpuna.

Einangrun: 90% hvítur andadúnn/10% fjaðrir/800 fill-power.

Dúnninn er hólfaður niður á sérstakan hátt til að gefa betri einangrun og til að koma í veg fyrir að hann færist úr stað.

Tindur er hannaður með tilliti til að klæðst sé grunn- og miðlagi innan undir úlpunni.

Stærðirnar taka mið af því og geta því reynst örlítið stærri. Þeir sem eru á milli stærða eru því hvattir til að panta einni stærð neðar en þeir eru vanir. Mælt er með því að dömur panti tveimur stærðum neðar til þess að fá rétta stærð.

Árið 2013 varð Leifur Örn Svavarsson fyrsti Íslendingurinn til að klífa upp norðurhlið Mt. Everest. Leifur klæddist fatnaði frá 66°Norður á leið sinni upp fjallið, en þar á meðal var hann með stóran og mikinn dúngalla sem hannaður var eftir hans þörfum. Þessi dúngalli var byggður á sömu tæknilegu hönnun og eiginleikum og Tindur dúnúlpan býr yfir.

Nafnið á úlpunni, Tindur, er skírskotun í ferð Leifs á efsta tind Mt. Everest.

Útlit Tinds dúnúlpunnar er byggt á hönnun Vatnajökuls úlpunnar sem var vinsæl á meðal Íslendinga á tíunda áratugnum, en sú úlpa byrjaði í framleiðslu hjá okkur upp úr 1992. 

Við erum alltaf að leita að hæfu fólki til starfa og hvetjum þá sem hafa áhuga á að starfa hjá okkur að senda inn umsókn. Hér er hægt að sækja um laus störf eða senda inn almenna umsókn, sækja um starf. Með því að senda okkur umsókn heimilar þú að upplýsingarnar séu skráðar í tölvu til að auðvelda úrvinnslu þeirra. Upplýsingarnar eru geymdar í allt að 6 mánuði. Farið verður með allar upplýsingar sem trúnaðarmál.

Hiking - "Lífskraftur" Hiking Group | Stay safe, Stay active

Finndu lífskraftinn á göngu úti í náttúrunni!

Útivist og hreyfing hefur sjaldan verið jafn mikilvæg og núna. Við Íslendingar erum heppin með víðáttuna allt í kringum okkur og því stutt að fara fyrir flesta að fara og stunda útivist í ósnortinni náttúru í fersku lofti.

Við fengum gönguhópinn Snjódrífurnar sem samanstendur af þaulreyndum fjallakonum til að segja okkur frá hvað það er sem drífur þær áfram, hvað er gott að hafa í huga og hvaða gönguleiðir eru tilvaldar fyrir þá sem eru að koma sér af stað í útivist. Snjódrífurnar standa á bak við verkefnið Lífskraft en þær stefna á að þvera Vatnajökul síðar á árinu og safna áheitum fyrir styrktarfélögin Líf og Kraft.

Við brýnum fyrir fólki að fara varlega og fara eftir ráðleggingum Embættis landlæknis og almannavarnadeild ríkislögreglustjóra hverju sinni og fylgjast vel með covid.is. Mælst er gegn því að stunda útivist í hóp, forðast skal alla snertingu og mikilvægt að virða fjarlægðarmörk milli einstaklinga sem á vegi verða.

Við brýnum einnig á mikilvægi þess að skoða vandlega veður- og snjóflóðaspár á vedur.is áður en haldið er af stað í gönguferðir.

Fjallgöngur er frábær leið til þess að hlaða batteríin, komast í gott form og upplifa náttúruna. Það er sagt að lífskrafturinn sé orka frá náttúrunni og því ekkert óeðlilegt að fólk verði háð því að ganga á fjöll. Snjódrífurnar hafa gengið á flest öll fjöll hér á höfuðborgarsvæðinu og víðar og hér að neðan er plan fyrir þá sem vilja fara út og finna sinn lífskraft.

Það er mikilvægt að virða leiðbeiningar Almannavarna næstu vikurnar og muna að halda tveggja metra fjarlægð, taka með sér spritt og hanska. Fatnaður er mikilvægur þáttur og það skiptir miklu máli að klæða sig eftir veðri og vera í nokkrum lögum, sjá nánar að neðan. Ekki má gleyma svokölluðum Esjubroddum, góðum gönguskóm, höfuðljósi, góðu snarli og vatnsbrúsa.

Fyrir þá sem eru að stíga sín fyrstu skref að þá mælum við með göngum upp á fellin hér á höfuðborgarsvæðinu. Við mælum einnig með göngustöfum en þeir dreifa álaginu og létta á álagi á hnjám einkum á niðurleið.

Fyrir þá sem eru lengra komnir og eru orðnir vanir vetrarfjallamennsku er gott að muna eftir exi og jöklabroddum þegar gengið er á fjöll að vetralagi. Við brýnum fyrir öllum að huga vel að veðri og ofanflóðaspá áður en lagt er af stað í göngu.

Snjódrífurnar mæla með eftirfarandi leiðum nálægt höfuðborgarsvæðinu. Smelltu á takkann fyrir neðan myndirnar til að ná í skrár í .gpx formi sem hægt er að hlaða inn í GPS úr eða tæki.

mosfell.gpx

ulfarsfell.gpx

helgafell.gpx

vifilsfell.gpx

Leiðarvísir og kort að hlaupa- og gönguleiðum, ásamt fróðleik um útivist á Íslandi

Við fengum gönguhópinn Snjódrífurnar sem samanstendur af þaulreyndum fjallakonum til að segja okkur frá hvað það er sem drífur þær áfram, hvað gott er að hafa í huga og hvaða gönguleiðir eru tilvaldar fyrir þá sem eru að koma sér af stað í útivist.

Skíðaiðkun er ómissandi hluti af vetrinum fyrir marga landsmenn, en dyntótt veðurfar getur þó alltaf sett strik í reikninginn. 

Það er oft þannig að allar lyftur eru lokaðar, ekkert færi er í brekkum vegna vinda eða vætu og þess vegna þarf maður að vera tilbúinn að fara í fjallið um leið og færi gefst. Til þess að láta sér líða vel og verða ekki kalt þarf að vera vel undirbúinn. Gott er að klæðast ákveðnum lögum af fatnaði sem virka vel saman og því fannst okkur tilvalið að sýna hvernig best er að búa sig undir brekkurnar í 66°Norður flíkum.

Hugsunin að baki því að klæðast nokkrum lögum er sú að nýta sem best mismunandi eiginleika efna; efni sem að halda vel hita, eru regnheld og hleypa samt raka frá líkamanum. Þannig má tryggja það að manni líði vel og sé mátulega hlýtt.

Ysta lagið verndar þig fyrir veðrinu, rigningu og vindi. Efnin sem skeljarnar eru búnar til úr eru allt frá því að vera vatnsfráhrindandi yfir í algerlega vatnsheld ásamt því að anda vel. Þessi efni eru þó oftast frekar þunn og ekki endilega hönnuð til þess að halda eða veita varma. Þess í stað eru þau frekar hugsuð til þess að halda vindi og vatni frá líkamanum.

Þessir eiginleikar ásamt eiginleikum mið- og grunnlags vinna saman til að halda á þér þægilegum hita og sjá til þess að þér líði vel. Skeljar eru oftar en ekki með vatnshelda rennilása, stillanlega hettu og franska rennilása til þess að þrengja ermar um úlnlið. Allt þetta tryggir það að miðlag og grunnlag haldist þurrt og vinni vel.

Gore-Tex® Pro™ og Neo Shell® efni eru þykk og endingargóð skelefni sem sjá til þess að þú haldist þurr, og sé þar af leiðandi hlýtt, í nánast hvaða veðri sem er.

Arnaldur klæðist Hornströndum smekkbuxum og Kötlu parka í Hrannari flíspeysu innanundir.

Ólafía er í Hornströndum Gore-Tex Pro smekkbuxum og Hornströndum Gore-Tex Pro jakka í Hrannari flíspeysu innanundir.

Arnaldur í Snaefell Neoshell jakka og Hornströndum Gore-Tex Pro smekkbuxur í Ok dúnjakka innanundir.

Þetta lag er einangrunarlagið. Það er oftast úr léttum efnum sem viðhalda varma vel og halda hita á stærsta hluta líkamans. Þessi “léttu efni”, svo sem andadúnn og Power Fill™, búa yfir mismunandi eiginleikum hvað varðar fyllingu, rakasöfnun, þyngd og sveigjanleika.

Þétt fylling af andadúni viðheldur mestum varma en þolir ekki vel að blotna þar sem dúnninn getur byrjað að kleprast saman og tapar þannig varma. Power Fill™ einangrunin er léttari en dúnn og hefur þann kost að geta blotnað töluvert áður en hún byrjar að tapa varma. Fyrir krefjandi hreyfingu svo sem skíði mælum við með Power Fill™ þar sem líkaminn framleiðir mikinn hita og hjálpar léttari einangrun eins og Power Fill™ því betur við að halda þægilegum hita á líkamanum.

Vinstri: Ólafía í Vatnajökli Powerfill vesti í Hrannari flíspeysu innanundir.
Hægri: Ólafía í Snæfell NeoShell jakka og Mosfell hettupeysu innanundir.

Arnaldur í Hornströndum Gore-Tex Pro jakka í Öxi Primaloft jakka innanundir.

Gott grunnlag næst líkamanum er virkilega mikilvægt til þess að halda hita í köldum aðstæðum. Við mælum með merino ull í þessum tilgangi þar sem hún hefur sérlegan eiginleika til að halda líkamanum þurrum og hlýjum. Þræðirnir í ullinni hjálpa til við að leiða raka frá líkamanum þar sem hann gufar upp og heldur með því jöfnum hita á húðinni. Ullin helst lyktarlaus í langan tíma.

Að velja réttu aukahlutina getur skipt höfuðmáli við að halda á þér hita. Buff úr merino ull og húfa úr ullarblöndu hjálpa þér að halda hita að hálsi og höfði. Hanskar úr vatnsfráhrindandi efni sem eru einangraðir með PrimaLofti eru hlýir en anda líka þannig að sviti ratar út. Réttu sokkarnir eru einnig mikilvægir, sérstaklega þegar maður er að skíða. Við mælum sérstaklega með háum sokkum sem eru framleiddir með primaloftþráðum og eru því einstaklega hlýir auk þess sem þeir þorna hratt og draga raka frá húðinni.

Með því að blanda saman mismunandi efnum og eiginleikum tekst manni að halda sér þurrum og heitum í fjallinu. Það er ágætt að hafa það í huga að líkaminn hitnar um leið og maður byrjar að hreyfa sig. Því er betra að vera ekki of heitt þegar maður tekur fyrstu ferðirnar í brekkunni, heldur hafa frekar með sér auka lag til að smeygja sér í ef manni verður kalt.

Skíðaiðkun er ómissandi hluti af vetrinum fyrir marga landsmenn, en dyndótt veðurfar getur þó alltaf sett strik í reikninginn. Það er oft þannig að allar lyftur eru lokaðar, ekkert færi er í brekkum vegna vinda eða vætu og þess vegna þarf maður að vera tilbúinn að fara í fjallið um leið og færi gefst. Til þess að láta sér líða vel og verða ekki kalt þarf að vera vel undirbúinn. Gott er að klæðast ákveðnum lögum af fatnaði sem virka vel saman og því fannst okkur tilvalið að sýna hvernig best er að búa sig undir brekkurnar í 66°Norður flíkum.

Innanundirföt sem henta allt árið um kring.

Spóa ullarfötin eru framleidd úr mjúkri Merino ull, sem er einstaklega hlý og heldur  jöfnum hita á barninu.⁠

Frá árinu 1926 höfum við framleitt skjólgóðan fatnað fyrir íslensku þjóðina. Við gerum við alla framleiðslugalla án endurgjalds.

Það er okkar markmið að flíkurnar okkar endist á milli kynslóða. Við skuldbindum okkur þar af leiðandi til þess að gera við allar 66°Norður vörur, sama hvort þær eru hluti af vörulínu síðasta árs, eða síðustu aldar.

Með heildrænni nálgun á hringrás alls fyrirtækisins viljum við lágmarka fótspor okkar og hafa jákvæð áhrif á umhverfið í kringum okkur.

Fylgstu með NORÐUR sögunum í gegnum Póstinn og Instagram

Þegar pöntun hefur verið gerð og sölukvittun borist í tölvupósti frá 66°Norður á það netfang sem gefið er upp, er kominn á bindandi samningur um kaup. Samkvæmt reglum um rafræn kaup má falla frá þessum samningi án þess að tilgreina nokkra ástæðu innan 14 daga frá afhendingu vörunnar. Til þess að nýta þann rétt ber viðskiptavini að senda tilkynningu um að fallið sé frá samningi á netfangið 66north@66north.is.

Til að uppsagnarfresturinn teljist virkur nægir að senda tilkynningu um að óskað sé eftir að fallið sé frá samningi áður en uppsagnarfresturinn rennur út.

Endursending vöru er á ábyrgð og kostnað kaupanda nema ef um er að ræða ranga eða gallaða vöru. Bæði er hægt að skila vöru í einni af verslunum 66°Norður eða senda í Vefverslun 66°Norður, Miðhrauni 11, 210 Garðabæ. 

Þegar 66°Norður hefur móttekið vöruna er endurgreitt inn á sama greiðslumiðil og notaður var í upphaflegu viðskiptunum.

Til að staðfesta eiginleika, einkenni og virkni vörunnar sem keypt er skal neytandi aðeins meðhöndla hana og skoða á sama hátt og leyft er í verslun. Neytandi má því einungis máta fatnað en ekki ganga í honum. Telji neytandi sig þurfa að meta vöruna meira en nauðsynlegt er til að staðfesta eiginleika, einkenni og virkni hennar er neytandi ábyrgur fyrir þeirri rýrnun á verðgildi vöru sem stafar af meðferð vörunnar.

Að öðru leyti er vísað í lög um neytendakaup nr.48/2003.

Hægt er að skipta vöru í aðra vöru, fyrir lægra verð eða sömu upphæð. Það er hægt að senda vörurnar með pósti til okkar í Vefverslun 66°Norður, Miðhrauni 11, 210 Garðabæ. Einnig er hægt að koma við í einni af verslunum 66°Norður og skipta vöru.

Vörur 66°Norður uppfylla ströngustu gæðakröfur. Full ævilöng framleiðsluábyrgð er vegna galla á efni og vinnu á framleiðsluvörum fyrirtækisins. Athugið að ábyrgðin nær ekki til tjóns sem hlýst af slysi, þvotti, vanrækslu, venjulegu sliti eða eðlilegu litatapi sem verður við notkun og eða sökum aldurs vörunnar. 

Ef söluhlutur er gallaður ber neytanda að tilkynna seljanda um að hann muni bera gallann fyrir sig án ástæðulauss dráttar frá því að hann varð galla var eða mátti verða hans var. Frestur neytanda til að leggja fram kvörtun er aldrei styttri en tveir mánuðir frá því að hann varð galla var. Ef neytandi leggur ekki fram kvörtun innan fimm ára frá þeim degi er hann veitti söluhlut viðtöku getur hann ekki borið gallann fyrir sig síðar. Ef vara telst gölluð munum við gera við hana eða skipta henni eða endurgreiða, allt án kostnaðar fyrir viðskiptavini. Réttur neytanda til að fá galla bættan er í samræmi við neytendakaupalög nr. 48/2003.

66°Norður var stofnað til að þjóna samfélaginu með gerð sjóklæða. Markmið okkar, enn þann dag í dag, er að styðja við nærsamfélag okkar með fjöbreyttum hætti.

66°Norður veitir háskólanemum í viðskiptafræði, listum og tækni tækifæri á starfsþjálfun. Við vitum að starfsnám er frábær leið til þess að veita námsmönnum raunverulega þekkingu á vinnumarkaði.

Við stöndum reglulega fyrir viðburðum fyrir góðan málstað. Má þar nefna fyrirlestur með Rax, Andra Snæ og Rakel Garðarsdóttur um jöklana og neysluhegðun þar sem vakin var athygli á þeirri loftslagsáskorun sem við stöndum fyrir.  

Við hjálpum ungum íþróttamönnum og listamönnum að ná markmiðum sínum.

Við erum sífellt að leita að góðum tækifærum til að láta gott af okkur leiða í samfélaginu. Hér má sækja um styrktarsamninga, styrki til einstaklinga og stofnana sem eru ekki reknar í hagnaðarskyni.

Á hverju ári gefum við fatnað til góðgerðarmála. Á síðustu árum höfum við gefið fatnað á lettneskt heimili fyrir munaðarlaus börn, til heimilislausra og flóttamanna á Íslandi og til Sýrlands.

Í október ár hvert framleiðum við og seljum húfur í takmörkuðu upplagi og 500 kr. af hverri seldri húfu renna til Krabbameinsfélags Íslands.

Á Íslandi starfa um 200 manns hjá okkur í störfum sem snúa að hönnun, þróun, framleiðslu, markaðssetningu og sölu á íslenskri hönnun og hugverki hér heima sem og erlendis. Þessi starfsemi skilur eftir sig skattaspor í formi tryggingagjalds, virðisaukaskatts, lífeyrisgreiðslna, tekju­skatts starfsmanna, og ýmissa annarra opinberra gjalda sem tengjast starfseminni. 

Lestu meira um skattaspor Sjóklæðagerðarinnar hér

Tískuiðnaðurinn er alræmdur fyrir ofvaxið sótspor. Svona leggjum við okkar af mörkum til að vinna gegn því.

Öll framleiðsla hefur sín áhrif á jörðina. Það skiptir ekki máli hvort þú kaupir jakka sem brotnar niður í náttúrunni ef þú þarft að kaupa þér nýjan á hverju ári. Ofneysla, offramleiðsla, sóun og léleg ending plaga tískuiðnaðinn en sjálfbærni er ekki bara bóla heldur raunverulegt markmið okkar hjá 66°Norður. Með sígildri hönnun, fjölbreyttu notagildi og áherslu á endingu og gæði trúum við því að þörf viðskiptavina fyrir því að endurnýja fataskápinn sinn minnki.

Þó að 66°Norður hafi verið kolefnishlutlaust fyrirtæki frá árinu 2019 er það eingöngu með heildrænni sýn og markvissum aðgerðum sem við getum minnkað skaða, dregið úr umhverfisáhrifum og haft jákvæð heildaráhrif á heiminn.​

Við áttum okkur líka á að það er engin fullkomin lausn til. Allar ákvarðanir er varða áhrif hafa í för með sér fórnarkostnað. Við teljum okkur hafa tekið ábyrgar ákvarðanir en virðum ólíkar skoðanir og fögnum ábendingum og gagnrýni. 

Við losuðum 274,1 tonn af CO2 árið 2019. Við jöfnuðum þessa losun með samþættum viðskiptaháttum og með því að gróðursetja 2741 tré.

Við hjá 66°Norður erum á þeirri skoðun að þessi jöfnun skuli eiga sér stað á persónulegan hátt. Það þýðir að við munum ávallt tryggja að þörfin fyrir kolefnisjöfnun sé það lítil að við getum jafnað árlegt kolefnisfótspor okkar á einum degi með trjám gróðursettum af starfsfólki okkar. Ef þörfin yfir kolefnisjöfnun eykst umfram það þýðir það að við höfum vaxið um of. 

Til þess að halda vottun okkar sem kolefnishlutlaust fyrirtæki þurfum við að kaupa kolefniseiningar á vottuðum mörkuðum. Þetta ásamt gróðursetningardögum starfsmanna gerir það að verkum að 66°Norður er eitt af örfáum kolefnisneikvæðum fyrirtækjum í heiminum. 

Árið 2019 var kolefnisjafnað í samstarfi við Kolvið með því að fjárfesta í gróðursetningu á 2741 tré.

Í fyrstu framleiddi 66°Norður vinnufatnað fyrir íslenska sjómenn sem áttu allt sitt undir því að komast heilir til hafnar. Fyrir þá sem störfuðu til sjós hér á árum áður var klæðnaðurinn oftar en ekki spurning um líf og dauða þegar tók að kólna og hvessa á miðunum. Það vantaði því ekki hvatann fyrir Hans Kristjánsson frá Suðureyri í Súgandafirði til að stofna fyrstu sjóklæðagerð landsins fyrir níutíu árum síðan.  

Hans var fæddur 1891, sonur Kristjáns Albertssonar og Guðrúnar Þórðardóttur. Sagan segir að norskur skipstjóri sem farist hafði í Súgandafirði, Hans Ibsen að nafni, hafi birst Guðrúnu í draumi meðan hún var ólétt og vitjað nafns. Hans var skírður eftir skipstjóranum framliðna og gerðist ungur sjómaður, fyrst á þilskipum á Ísafirði. Uppvaxtarár hans voru tími örra breytinga og mikils vaxtar í íslenskum sjávarútvegi. Vélbátar og togarar leystu af hólmi árabáta og þilskip og stór sjávarútvegsfyrirtæki breyttu skipulagi útgerðarinnar varanlega. Frá 1907 og fram yfir fyrri heimsstyrjöld var stöðugur vöxtur í sjávarútvegi.


Sjóklæðagerðin flytur til Reykjavíkur

Á þessum tíma klæddust flestir sjómenn skósíðum stökkum frá Noregi og Bretlandi og báru sjóhatta. Hans fékk styrk frá Fiskifélagi Íslands til að ferðast til Noregs sumarið 1924 þar sem hann kynnti sér sjóklæðagerð. Þegar hann sneri heim hóf hann undirbúning sjóklæðagerðar á Suðureyri en honum gekk treglega að finna hentugt húsnæði. Þó hélt hann framleiðslunni úti heilan vetur við erfiðar aðstæður. En Hans hafði háleitar hugmyndir og vildi búa til sjóklæði fyrir alla landsmenn svo ekki þyrfti að reiða sig á innflutt föt. Til að svo gæti orðið þurfti hann að geta dreift vörunni auðveldlega og átt í góðu sambandi við alla landshluta. Það fór því svo að Hans Kristjánsson flutti með fjölskyldu sína til Reykjavíkur árið 1926 og stofnsetti Sjóklæðagerð Íslands í bakhúsi við Laugaveg 42. 

Sjóklæðagerðin framleiddi í fyrstu eingöngu sjóstakka úr olíubornum striga. En þetta voru umbrotatímar í íslensku þjóðfélagi. Nýir atvinnuhættir kölluðu á aukna sérhæfingu í störfum, hvert starf kallaði á viðeigandi klæðnað, og eftirspurn eftir sérhæfðum vinnufatnaði var því heilmikil. Vörunum fjölgaði hratt og fyrirtækið stækkaði eftir því. Árið 1933 voru 34 í vinnu hjá fyrirtækinu og voru yfirmenn þá ótaldir. Auk sjófatnaðar voru framleiddir frakkar, úlpur, kápur og vinnufatnaður að breskri og norskri fyrirmynd í samstarfi við Vinnufatagerð Íslands. Fatnaður sjóklæðagerðarinnar var ekki lengur bundinn við sæfarendur heldur mátti líta framleiðsluna á flestum sviðum þjóðfélagsins. Klæðnaðurinn skipti sköpum fyrir verkafólkið og jók á öryggi þeirra og hreinlæti. 

Það dró síst úr eftirspurninni þegar leið á öldina. Herliðið kom 1940, sjávarútvegurinn blómstraði í stríðinu, efnahagurinn tók annan kipp með Marshallaðstoðinni 1948 og frá 1951 hafði bandaríski herinn hér fasta viðveru með öllum þeim störfum sem honum fylgdu. Síldveiðar tóku við sér um miðjan sjötta áratuginn og á þeim sjöunda margfaldaðist síldaraflinn. Stóriðja hófst á áttunda áratugnum og ferðamannalandið Ísland varð til á tíunda áratugnum. Á fáum áratugum sögðu Íslendingar að mestu skilið við fátæktina og frumstæðar aðstæðurnar sem þeir höfðu vanist í þúsund ár og gerðust sjálfstæð og nútímaleg þjóð sem varð brátt með þeim ríkustu í heimi. 

Þótt sjóstakkurinn hafi í dag runnið sitt skeið þá eru afsprengi hans - sjóbuxurnar, anorakkarnir og jakkarnir - enn í notkun dag og nótt á fiskimiðunum. Þau hanga líka í þúsundatali í fataskápum landsmanna sem grípa til þeirra þegar illa viðrar við leik eða störf, sem er ekki sjaldan hér við sextugustu og sjöttu breiddargráðu norður. Á þessum síðum hefur svipmyndum af Íslendingum í fatnaði Sjóklæðagerðarinnar síðustu níutíu ár verið safnað saman. Þetta eru myndir af sjómönnum, verkafólki, björgunarsveitum, krökkum í útilegu eða bæjarvinnunni, útivistargörpum og pörum á leið á ball. Þetta eru svipmyndir af þjóð sem hefur gegnum tíðina gert hvað hún getur til að draga fram lífið á hjara veraldar. 

Magni

Nánari upplýsingar

Tæknilegir eiginleikar

FULL FRAMLEIÐSLUÁBYRGÐ

SKILAFRESTUR veitir 14 daga til að skila

SENDINGARTÍMI 1-4 virkir dagar

Klæddu þig vel