Dyngja

Sérstök útgáfa af vinsælu Dyngju úlpunni í takmörkuðu upplagi. Dyngja í AOP útgáfu tekur innblástur sinn frá litbrigðum og mynstri íslensku náttúrunnar, þar sem skófir, fléttur og glæður mynda sérkennilegt mosamynstur. Mynstrið fellur mismunandi á hverja flík og eru engar tvær flíkur eins.

Ytra efnið er úr endurunnu pólýester og úlpan er einangruð með endurnýttum dún. Endurnýttur dúnn er fenginn úr notuðum dún fatnaði og yfirbreiðslum, hann er síðan hreinsaður og unninn á nánast sama hátt og nýr dúnn og eru því gæðin því fyrsta flokks. Með því að endurnýta dún er líftími hans lengdur í stað þess að afurðin hefði farið í landfyllingu.