66°Norður
Fyrirtækjaþjónusta
Fyrirtækjaþjónusta 66°Norður sérsníður tilboð í fatnað að þínum þörfum hverju sinni og öflugt teymi viðskiptastjóra aðstoðar þig við að finna réttu vörurnar fyrir þína starfsmenn.
Hafðu samband.
Fyrirtækjasvið 66°Norður er þér innan handar í síma 535-6660 eða í tölvupósti á soludeild@66north.is
Skráðu fyrirtækið þitt á póstlista fyrirtækjasviðs hér fyrir neðan og fáðu upplýsingar um vörur og tilboð.
Starfsmanna- og viðskiptavinagjafir
Gjafakort 66°Norður er frábær gjöf fyrir starfsmenn og viðskiptavini. Gjafakortin virka í öllum verslunum 66°Norður á Íslandi ásamt útsölumörkuðum og vefverslun.
„Við höfum valið að gefa starfsmönnum okkar jólagjafir frá 66°Norður. Óhætt er að segja að það val hafi vakið mikla gleði hjá starfsmönnum okkar. Öll þjónusta hjá 66°Norður hefur verið frábær og mæli ég svo sannarlega með þessari leið hjá fyrirtækjum til að gleðja sína starfsmenn.“
Ingibjörg Arnljótsdóttir, mannauðsstjóri Símans.
Við vinnum náið með okkar viðskiptavinum til að finna réttu gjöfina hverju sinni, hvort sem þú ert að leita að jólagjöf, sumargjöf eða öðrum tækifærisgjöfum.
Gjafakortin henta flestum enda úr miklu að velja. Vöruúrvalið er mjög breitt og getur starfsmaðurinn notað það til að versla á sig sjálfan, makann, börnin eða jafnvel keypt á sig vinnufatnað ef út í það er farið. Við bjóðum upp á klassísku gjafakortin okkar í kortaumslagi, þar er hægt að bæta við jólakveðju til starfsmanna.
Eitthvað við allra hæfi
Starfsmannafatnaður
66°Norður býður upp á fjölbreytt úrval af starfsmannafatnaði. Hvort sem um er að ræða skjólgóðan útivistarfatnað fyrir óútreiknanlega veðráttu eða snyrtilegan og þægilegan fatnað fyrir skrifstofuna þá bjóðum við fatnað sem hentar flest allri starfsemi. Við vinnum náið með fyrirtækjum til að finna rétta fatnaðinn hverju sinni.
Á myndinni er Poseidon Arctic Voyages í leiðangri á Grænlandi. Starfsmaður er klæddur í Hornstrandir GORE-TEX®Pro jakka og þeirra lógó er prentað á jakkann.
Land Rover við tökur á Íslandi. Starfsmaður er klæddur í Þórsmörk Parka úlpu og lógó fyrirtækisins er saumað í úlpuna.
Sérsaumur
66°Norður hefur um árabil framleitt sérsaumaðan fatnað fyrir stærri fyrirtæki, stofnanir og félagasamtök. Sjóklæðagerðin hefur meðal annars þróað fatnað fyrir embætti Ríkislögreglustjóra, Slökkvilið höfuðborgarsvæðisins, Slysavarnafélagið Landsbjörg, auk fjölmargra annarra íslenskra fyrirtækja. 66°Norður leggur metnað í vandaða hönnun í nánu samstarfi við viðkomandi fyrirtæki eða stofnun. Þannig er kappkostað að uppfylla sem best þarfir viðskiptavina og framleiða fatnað sem stenst kröfur um útlit, styrkleika og verð.
Meirihluti fatnaðar frá 66°Norður er framleiddur í okkar eigin verksmiðjum, undir ströngu eftirliti og með umhverfisvænum aðferðum. Við störfum náið með framleiðendum þeirra efna sem við veljum fyrir fatnaðinn okkar og leitum ávallt uppi vönduðustu og öruggustu efnin sem völ er á. Þjálfaðir fjallamenn, björgunarsveitir og aðrir sem vinna verk sín utandyra prófa fatnaðinn áður en framleiðsla hefst.
Þannig vitum við að fatnaðurinn frá 66°Norður mun reynast þér þægilegur og öruggur í köldu og blautu veðri í borginni og dýrmætur þegar þú vilt reyna þig úti í náttúrunni. Veðrið á Íslandi er þekkt fyrir að koma sífellt á óvart.