Go to content
Innskráning

Spurt og svarað

 

  1. Hversu öruggt er að versla með greiðslukorti í gegnum Netið?
    Til að koma í veg fyrir misnotkun kortanúmera þegar verslað er á netinu og varna því að utanaðkomandi geti komist yfir númerin hafa ýmis öflug öryggiskerfi verið hönnuð. Netverslun 66°NORÐUR er varin með 128-bita dulkóðunarlykli frá Thawte. Um leið og viðskiptavinur ákveður að kaupa vöru fer hann inn í læst umhverfi þar sem allar upplýsingar um viðskiptin, þ.m.t. kortanúmerin eru dulkóðuð. Ógjörningur er fyrir utanaðkomandi aðila að nálgast þessar upplýsingar. Sá sem verslar í því umhverfi má vera 100% viss um að upplýsingarnar sem hann skráir eru algjörlega varðar fyrir utanaðkomandi aðilum.

  2. Hvenær kemur sendingin til mín?
    Þegar þú verslar í vefverslun 66°Norður getur þú valið á milli þess að sækja í verslun 66°Norður, fá hana senda heim eða í póstbox með Íslandspósti. 

        Sótt í verslun er einungis í boði í Miðhrauni 11.

    Ef óskað er eftir að sækja vöru í verslun sendum við SMS þegar pöntunin er tilbúin til afhendingar. Afhending tekur 1- 3 virka daga. Pantanir eru ekki sendar í verslanir um helgar. 

        Íslandspóstur

    Sendingarkostnaður er 950kr. Ef verslað er fyrir 10.000kr eða meira fellur sendingarkostnaðurinn niður. Ef pöntunin þín er send heim með Íslandspósti fer hún í póst í síðasta lagi þarnæsta virka dag. Venjulega tekur þetta ferli ekki nema 2 virka daga. Starfsmenn Íslandspósts keyra síðan pakka til þín á milli kl. 17:00-22:00 á kvöldin. Þetta þýðir að ef þú átt von á pakka eða ábyrgðarbréfi með Íslandspósti, þarftu ekki að fara á næsta pósthús til að ná í sendinguna þína heldur komum við með sendinguna heim til þín. Ef enginn er heima þegar starfsmaður Íslandspósts kemur skilur hann eftir tilkynningu þar sem fram kemur á hvaða pósthúsi hægt er að nálgast sendinguna.

  3. Hvað geri ég ef ég vil skila vöru sem ég keypti í netverslun?
    Þegar pöntun hefur verið gerð og sölukvittun borist í tölvupósti frá 66°Norður á það netfang sem gefið er upp, er kominn á bindandi samningur um kaup. Samkvæmt reglum um rafræn kaup má falla frá þessum samningi án þess að tilgreina nokkra ástæðu innan 14 daga frá afhendingu vörunnar. Til þess að nýta þann rétt ber viðskiptavini að senda tilkynningu um að fallið sé frá samningi á netfangið 66north@66north.is

    • Til að uppsagnarfresturinn teljist virkur nægir að senda tilkynningu um að óskað sé eftir að fallið sé frá samningi áður en uppsagnarfresturinn rennur út.

    • Endursending vöru er á ábyrgð og kostnað kaupanda nema ef um er að ræða ranga eða gallaða vöru. Bæði er hægt að skila vöru í einni af verslunum 66°Norður eða senda í Vefverslun 66°Norður, Miðhrauni 11, 210 Garðabæ

    • Þegar 66°Norður hefur móttekið vöruna er endurgreitt inn á sama greiðslumiðil og notaður var í upphaflegu viðskiptunum.

    • Til að staðfesta eiginleika, einkenni og virkni vörunnar sem keypt er skal neytandi aðeins meðhöndla hana og skoða á sama hátt og leyft er í verslun. Neytandi má því einungis máta fatnað en ekki ganga í honum. Telji neytandi sig þurfa að meta vöruna meira en nauðsynlegt er til að staðfesta eiginleika, einkenni og virkni hennar er neytandi ábyrgur fyrir þeirri rýrnun á verðgildi vöru sem stafar af meðferð vörunnar.

    • Að öðru leyti er vísað í lög um húsgöngu- og fjarsölusamninga nr. 46/2000 og lög um neytendakaup nr.48/2003.


  4. Hvað verður um sendingarupplýsingar og netföng sem ég skrái á vefnum? 
    Engar persónuupplýsingar né netföng eru seldar eða látnar í té til þriðja aðila. Netföng sem skráð eru á vef 66°Norður eru skráð á póstlista í eigu 66°NORÐUR sem er einungis notaður til að senda áskrifendum upplýsingar um tilboð og viðburði tengda vefnum eða þjónustu 66°NORÐUR.

  5. Er hægt að versla með gjafakorti í vefverslun?
    já það er hægt að greiða með gjafakorti í vefverslun.

  6. Þessi síða er ekki að hjálpa mér!
    Ef þig vantar svar við spurningu sem ekki er svarað á þessari síðu bendum við þér vinsamlegast á að senda tölvupóst á 66north@66north.is.

Takk fyrir!

Þú hefur verið skráður á póstlista hjá 66°norður

You are connected to our website

Íslenska | ISK
map To change region select from the selection here to the left
Greiða
Veldu svæði
Iceland Europe North America
Veldu land
Veldu gjaldmiðil
ISK