Choose your shipping destination to see the products available in your location

Karfa

Útilykt

66°Norður og ilmhúsið Fischersund hafa sameinað krafta sína og skapað ilmheim innblásinn af íslenskri útilykt. Þetta áhugaverða samstarf verður opinberað á Hönnunarmars, 19.-23. maí.

Um er að ræða þverfaglegt hönnunarverkefni þar sem markmiðið var að búa til ilm fyrir 66°Norður og ákveðinn upplifunarheim í kringum ilminn, en hluti af verkefninu er einnig tónverk sem unnið er af Jónsa í Sigurrós, Sindra og Kjartani Holm. Jónsi í Sigurrós er einn af þeim sem stendur að fyrirtækinu Fischersund sem sérhæfir sig í upplifun og skynjun, en hann og systur hans, Lilja, Ingibjörg og Sigurrós, stofnuðu Fischersund saman árið 2017. Því óhætt að tala um alvöru fjölskyldufyrirtæki.

Ilmvatnið er handgert hér á Ísland og unnið úr íslenskum lækningajurtum og jurtaolíum sem gerir þetta að hreinni ilmvöru lausa við öll óæskileg aukaefni. Eins og fyrr segir er innblástur sóttur í íslenska náttúru og íslenska útilykt en vindurinn, sjórinn, snjórinn, nýslegið gras og útivera lék stærstan þátt í innblæstrinum þegar hönnunarteymi 66°Norður og Fischersunds unnu að því að þróa lyktina. 66°Norður og Fischersund leggja bæði mikla áherslu á sterka sögufrásögn í sínu starfi og í þessu samstarfi er í raun sögð saga af Íslandi og íslenskri náttúru í gegnum lykt og tónlist. Hugmyndin var að fanga þessa fersku lykt sem fólk finnur þegar það kemur inn eftir góða útiveru, lykt sem er erfitt að skilgreina nákvæmlega en allir kannast svo vel við.

Útkoman úr samstarfinu verður innleidd að fullu í haust í verslunum 66°Norður en á Hönnunarmars mun gestum hátíðarinnar gefast kostur á að heimsækja verslun 66°Norður á Laugavegi og upplifa verkefnið ásamt því að takmarkað upplag af ilminum, sem kallast hreinlega Útilykt, verður til sölu. Í haust er áætlað að fleiri geti keypt sér lyktina og þá verður tónlistin einnig gefin út.

Útilykt

Vindur í fangið úr öllum áttum

Skafrenningur smýgur innundir úlpukraga

Snjóperlur á frosnum lopavettlingum

Berjablá tunga og höfuð hvílir í mjúku lyngi

Sláttuvél í fjarlægum garði

Óskreytt jólatré fýkur niður gangstétt í sjávarrokinu

Hélaðar rúður, veðurfréttir og miðstöðin í botni

FULL FRAMLEIÐSLUÁBYRGÐ
SKILAFRESTUR veitir 14 daga til að skila
SENDINGARTÍMI 1-4 virkir dagar
Skráðu þig í 66°Norður klúbbinn
Þú gætir unnið 100.000 kr. gjafakort hjá Icelandair, ævintýri með leiðsögufólki og fatapakka frá 66°Norður. Við drögum út þrisvar á ári.
Skráðu þig
Opnunartímar verslana
Hér finnur þú upplýsingar um opnunartíma verslananna okkar
66ºNorður
Karlar
Aðstoð & upplýsingar
Hafðu samband
66north@66north.com
+354 535 6600
Midhraun 11, 210 Gardabaer
Viltu starfa hjá okkur?
Samfélagsmiðlar
Klæddu þig vel
© 66ºNorður Ísland, Allur réttur áskilinn
Persónuvernd og vafrakökur