Go to content
Innskráning

Göngur

Finndu lífskraftinn á göngu úti í náttúrunni!

Útivist og hreyfing hefur sjaldan verið jafn mikilvæg og núna. Við Íslendingar erum heppin með víðáttuna allt í kringum okkur og því stutt að fara fyrir flesta að fara og stunda útivist í ósnortinni náttúru í fersku lofti.

Við fengum gönguhópinn Snjódrífurnar sem samanstendur af þaulreyndum fjallakonum til að segja okkur frá hvað það er sem drífur þær áfram, hvað gott er að hafa í huga og hvaða gönguleiðir eru tilvaldar fyrir þá sem eru að koma sér af stað í útivist. Snjódrífurnar standa á bak við verkefnið Lífskraft en þær stefna á að þvera Vatnajökul síðar á árinu og safna áheitum fyrir styrktarfélögin Líf og Kraft.

Við brýnum fyrir fólki að fara varlega og fara eftir ráðleggingum Embættis landlæknis og almannavarnadeild ríkislögreglustjóra hverju sinni og fylgjast vel með covid.is. Mælst er gegn því að stunda útivist í hóp, forðast skal alla snertingu og mikilvægt að virða fjarlægðarmörk milli einstaklinga sem á vegi verða.

Við brýnum einnig á mikilvægi þess að skoða vandlega veður- og snjóflóðaspár á vedur.is áður en haldið er af stað í gönguferðir.

4 vikna fjallgönguáætlun 

Fjallgöngur er frábær leið til þess að hlaða batteríin, komast í gott form og upplifa náttúruna. Það er sagt að lífskrafturinn sé orka frá náttúrunni og því ekkert óeðlilegt að fólk verði háð því að ganga á fjöll. Snjódrífurnar hafa gengið á flest öll fjöll hér á höfuðborgarsvæðinu og víðar og hér að neðan er plan fyrir þá sem vilja fara út og finna sinn lífskraft.

Það er mikilvægt að virða leiðbeiningar Almannavarna næstu vikurnar og muna að halda tveggja metra fjarlægð, taka með sér spritt og hanska. Fatnaður er mikilvægur þáttur og það skiptir miklu máli að klæða sig eftir veðri og vera í nokkrum lögum, sjá nánar að neðan. Ekki má gleyma svokölluðum Esjubröddum, góðum gönguskóm, höfuðljósi, góðu snarli og vatnsbrúsa.

Fyrir þá sem eru að stíga sín fyrstu skref að þá mælum við með göngum upp á fellin hér á höfuðborgarsvæðinu. Við mælum einnig með göngustöfum en þeir dreifa álaginu og létta á álagi á hnjám einkum á niðurleið.

Fyrir þá sem eru lengra komnir og eru orðnir vanir vetrarfjallamennsku er gott að muna eftir exi og jöklabroddum þegar gengið er á fjöll að vetralagi. Við brýnum fyrir öllum að huga vel að veðri og ofanflóðaspá áður en lagt er af stað í göngu.

Vika 1

Mosfell í Mosfellssveit
Hæð: 280 m og gönguhringur um 4 km.

Úlfarsfell
Hæð: 295 m og gönguhringur um 5 km.

Vika 2

Helgafell í Hafnarfirði 
Hæð: 338 m og mæli með því að menn prófi að ganga hringinn (ekki sömu leið fram og til baka) og þá telur leiðin 5,4 km.

Háihnúkur í Akrafjalli
Hæð: 555 m og leiðin er um 4,6 km.

Vika 3

Esjan upp að steini
 Hæð: 586 m og leiðin er um 6 km

Móskarðshnúkar
Hæð: 807 m og 7 km. Nú er mál að skella bakpoka á bakið og æfa framvegis með hann ef þú hefur ekki gert það nú þegar.

Leggjabrjótur 
Hækkun um 500 m og leiðin er um 17 km.

Vika 4

Helgafell í Hafnarfirði
Hæð: 338 m og mæli með því að menn prófi að ganga hringinn og þá telur leiðin 5,4 km.

Vífilsfell
Hæð: 655 m og leiðin er um 5 km.

Skeggi í Henglinum
Hæð: 805 m og leiðin er um 12 km.

Snjódrífurnar mæla með eftirfarandi leiðum nálægt höfuðborgarsvæðinu. Smelltu á takkann fyrir neðan myndirnar til að ná í skrár í .gpx formi sem hægt er að hlaða inn í GPS úr eða tæki.

Mosfell í Mosfellssveit

Úlfarsfell

Helgafell í Hafnarfirði

Vífilsfell

Hentugur göngufatnaður

Smelltu á örvarnar til að fletta á milli stíla.

Karlar

Karlar 1/15
Karlar 2/15
Karlar 3/15
Karlar 4/15
Karlar 7/15

Steinn

19.000 ISK
Karlar 8/15
Karlar 9/15

Reykjavík

22.000 ISK
Karlar 10/15
Karlar 11/15
Karlar 12/15

Konur

Konur 2/15
Konur 3/15
Konur 4/15
Konur 7/15

Steinn

19.000 ISK
Konur 8/15

Eldborg

27.000 ISK
Konur 9/15

Esja

19.000 ISK
Konur 10/15
Konur 11/15
Konur 12/15

Takk fyrir!

Þú hefur verið skráður á póstlista hjá 66°norður

You are connected to our website

Íslenska | ISK
map To change region select from the selection here to the left
Greiða
Veldu svæði
Iceland Europe North America
Veldu land
Veldu gjaldmiðil
ISK